Toshkentdagi jazirama 90 yillik rekordni yangiladi
25-avgust kuni Toshkentdagi jazirama 1923-yildagi rekordni ortda qoldirdi, deya xabar berdi Uz24.uz.
Shu kuni bosh meteorologiya stansiyasida o‘rtacha sutkalik havo harorati 29,9 darajani tashkil etdi, avvalgi rekord ko‘rsatkich esa 24,2 darajaga teng bo‘lgan. Meteorologlar ma’lumoti bo‘yicha yangi ko‘rsatkich bu sana uchun mutlaq rekord bo‘ldi.
O‘zbekiston Respublikasi Vazirlar Mahkamasi Gidrometeorologiya xizmat markazi xabariga ko‘ra, 26-avgust uchun eng past havo harorati 1900-yilda kuzatilgan, o‘shanda harorat bor-yo‘g‘i 7,6 darajani tashkil etgan.
Yaqin kunlarda havoning sovib ketishi kutilmaydi. Poytaxtdagi harorat 35—40 daraja atrofida bo‘lib turadi.
Toshkentdagi jazirama 90 yillik rekordni yangiladi 
