Toshkentda qulupnayning bir kilogrammi 100 ming so‘mdan savdoga chiqarildi
Toshkentda yangi pishgan qulupnaylar savdoga chiqdi. UZ24’ning xabar berishicha, yangi terilgan qulupnaylarni Toshkent avtomobil halqa yo‘li yoqasidagi “Motor zavodi” yaqinida, bir kilogrammini 100 ming so‘mdan sotib olish mumkin.
Xabar berishlaricha, shu kecha-kunduzda saralangan “Charli” qulupnayning bir kilogrammi 150 ming so‘mdan, kichik konteynerlarga solingan qulupnaylarni esa 6,5 ming so‘mdan sotib olish mumkin.
Taqqoslash uchun, Toshkent shahrida bir kilogramm olma 4-18 ming so‘mdan, banan 10-15 ming so‘mdan, nok 8-10 ming so‘mdan, mandarin esa 8-15 ming so‘mdan sotilmoqda.
Qayd etish joiz, erta pishgan qulupnaylarning mazasi shirin bo‘lmaydi. Fermerlarning so‘zlariga ko‘ra, birinchi pishgan qulupnaylar, kam quyosh ko‘rgani sabab, kamdan-kam holatda shirin bo‘ladi.
Toshkentda qulupnayning bir kilogrammi 100 ming so‘mdan savdoga chiqarildi 
