Tohir Usmonovdan "Janoney" qo‘shig‘Iga klip oldirdi
Kuni kecha yana bir yangi klipning suratga olish ishlari yakunlandi. Mazkur klip yosh iste’dodli xonanda Tohir Usmonov ijodidagi yangi “Janoney” nomli taronaga ishlangan bo‘lib, o‘ziga xos tarzda yaratilgan. Musiqaga mehri baland bo‘lgan Tohir Usmonov allaqachon xalqimiz e’tiboriga tushishga ulgurgan desak adashmaymiz.
Xonandaning avvalgi taronalari kabi raqsga chorlovchi bu sho‘x qo‘shiq muxlislar ko‘nglidan joy olishi aniq.
Avvalo qo‘shiq mualliflari bilan tanishtiradigan bo‘lsak, matn Bobur Umarov qalamiga mansub, musiqa va aranjirovkani Botir Aliev amalga oshirgan. Bu ijodkorlar yaratgan sho‘x tarona tez orada ommalashsa ajab emas.
Syujet yo‘nalishida tasvirga olingan klipga Sarvar Isaev rejissyorlik qilgan. Izzatilla Lutfullaev esa operatorlik vazifasini a’lo darajada bajargan. Klipning alohida ahamiyatli jihatini aytib o‘tishimiz kerakki, unda kadrlar boshidan ohirigacha uzilmagan holda tasvirga olingan ekan.
Klipda Bahodir Nishonov, Bahtiyor Turg‘unov kabi yosh va iste’dodli aktyorlar ishtrok etishgan. Qolaversa, maxsus katta massovka yig‘ilib klipning alohida kadrlari suratga olingan. Saytimizni kuzatib boring va yaqin fursatlarda mazkur klipni birinchilardan bo‘lib tomosha qilishga muvaffaq bo‘lasiz.
Tohir Usmonovdan "Janoney" qo‘shig‘Iga klip oldirdi 
