Ulug‘bek Rahmatullaevdan Yilning eng shov-shuvli klipi
Tinib-tinchimas va haqiqiy ma’noda sermazmun ijod qilayotgan, har bir yaratgan qo‘shig‘i xit paradlarning yuqori o‘rinlarini zabt eta olayotgan, “E’tirof 2014” yilning eng yaxshi erkak xonandasi nominatsiyasi g‘olibi, serqirra ijodkor Ulug‘bek Rahmatullaev ayni damda “Yoshlik qaytmaydi” qo‘shig‘i uchun rejissyor va klipmeykerlar Hasan hamda Husan Atabaevlar tomonidan videoklip suratga oldirmoqda.
Yilning eng shov-shuvli klipi bo‘lishi kutilayotgan mazkur ijod mahsulining ssenariy muallifi Jamshid Hojiniyozov. Klipda haqiqiy hayotiy voqealar aks ettirilib uni tomosha qilgan inson tanlagan hayot yo‘lida bir zumga to‘htab, bosgan har bir qadami haqida o‘ylanib olishiga asos bo‘ladi. Hattoki klipda bosh qahramon rolida namoyon bo‘layotgan, halqimizning eng sevimli aktyorlaridan biri Ubaydulla Omon uchun ham mazkur obraz ijod yo‘lidagi eng qiziqarli va qalbiga yaqin bo‘lganligini ta’kidlab o‘tdi.
Ulug‘bek Rahmatullaevning muhlislari va tinglovchilari uchun haqiqiy tuhfa bo‘lishi kutilayotgan bu videomahsulot tez kunda saytimiz orqali premera etiladi. Shunday ekan yana ozgina kutishingizga to‘g‘ri keladi.
Ulug‘bek Rahmatullaevdan Yilning eng shov-shuvli klipi 
