Пойтахтнинг барча туман ички ишлар идораларида биометрик паспорт топшириш йўлга қўйилди.

Янги биопаспортнинг кўриниши қуйидагича:

* Муқовага биометрик паспортда электрон маълумотлар мавжудлигини билдирувчи рамзий белги туширилган.

* Амалдаги паспортларимиз кирилл имлосида тўлдирилган бўлса, янги биопаспортда ҳамма маълумотлар лотин имлосида, бир саҳифаси эса инглиз тилида қайд этилади.

* Фотосурат ҳужжатга эски услубда ёпиштирилмайди, балки босмадан чиқарилади.

* Ниҳоят, энг муҳими – муқова охирида микросхема – махсус чип бўлиб, унга паспортдаги барча маълумотлар, қўшимча тарзда хужжат эгасининг бармоқ излари ҳам киритилган.

* Яна бир жиҳати – паспортнинг саҳифалари, жумладан виза қўйиш учун ажратилган варақлар сони кўпайган.

Мутахассислар бундай биометрик паспортнинг қалбаки нусхасини ясаб бўлмаслигини эътироф этишмоқда.