Rossiya poytaxtida “Hizbut-Tahrir” terrorchilik tashkilotining 7 a’zosi ushlangan, shundan 6 nafari O‘zbekiston fuqarolari ekani aytilmoqda.

Gumonlanuvchilarning bir nafari rossiyalik

Ularning bir nafari Rossiya fuqarosi bo‘lib, gumondorlar terrorchilik tashkilotida qatnashganlikda ayblanmoqda.

Ular qamoqqa olingan

Sud vakili Yuliya Kotominaning so‘zlariga ko‘ra, o‘zbek millatiga mansub Mamadaliyev Ma’rifjon, Kimsanov Farhodjon, Sultonov Iqboljon, To‘xtasinov Ikromiddin, Xoldorov G‘ulomjon, Xolmatov Azizbek va Malikov Ma’rufjonga nisbatan qamoq ehtiyot chorasi qo‘llangan.

Hukm fevralda chiqariladi

Ularga Moskvadagi Meshchan sudi 2020-yil 2-fevralgacha hukm chiqarishi aytilgan.

FSB ilgari Moskva va Chelyabinskda ikki rahbar va “Hizbut-Tahrirning yetti a’zosi hibsga olingani haqida xabar bergan.