Qozog‘istondagi eng ommaviy besh avtomobil markasi aniq bo‘ldi
Qozog‘istonda eng ko‘p sotilayotgan milliy avtomobillar beshligi ma’lum qilindi. Eng ommaviy markalar ro‘yxatidan Kia, Hyundai, Skoda, Lada va Chevrolet o‘rin oldi.
Mazkur marka ostidagi mashinalar savdosi haqidagi ma’lumotlar 2015 yilning yanvaridan oktyabrgacha bo‘lgan davr ichida to‘plandi, deya xabar bermoqda Kazinform. Qo‘shni respublikada eng sotilgan avtomobillar Kia kompaniyasiga tegishli bo‘ldi. Ko‘rsatib o‘tilgan davr ichida 3600 dona ushbu markadagi mashina sotilgan.
Mazkur reytingning ikkinchi pog‘onasidan 3200 dona sotilgan Hyundai`lar o‘rin oldi. 3000 talik ko‘rsatkichdan ozgina oshgan Skoda uchinchi bo‘lib qayd etildi. Milliy zavodlarga yig‘ilayotgan Lada esa to‘rtinchi o‘rindan joy oldi. 1500 donaga yaqin xarid qilingan Chevrolet avtomobillari mazkur beshlikka yakun yasab berdi.
“AZIYa AVTO” AJ prezidenti Yerik Sagimbaevning oydinlik kiritishicha, mazkur TOP-5 milliy avtoishlab chiqaruvchilar avtomobillariga oid ma’lumotlar asosida ishlab chiqilgan. Uning aytishicha, bugungi kunda Qozog‘iston avtobozorining qariyb 40 foizini egallagan Lada markasi yetakchilik qilib kelmoqda.
Ko'sem: Sulton Usmon o'limidagi she'ri + music
Qozog‘istondagi eng ommaviy besh avtomobil markasi aniq bo‘ldi 
