O‘zbekistonda Asus Zenfone 5 smartfoni 800 ming so‘mdan sotila boshladi
O‘zbekistonda 2014-yil boshida taqdim etilgan Asus Zenfone 5 smartfoni sotuvga chiqdi, deya xabar bermoqda “Mobinfo.uz”.
Qurilma 5 dyuymli va 1280×720 pikselli IPS-ekran, Intel Atom Z2580 Cloverview protsessori, 1 Gb tezkor va 16 Gb ichki xotira (+microSD), 8 megapikselli asosiy va 2 megapikselli old kamera, 2110 mA/s sig‘imiga ega akkumulyator bilan jihozlandi.
Asus Zenfone 5 Android 4.3 Jelly Bean operatsion tizimida ishlaydi. Smartfonning og‘irligi 145 grammga teng.
Poytaxtdagi “Fleshka” savdo majmuasida Asus Zenfone 5’ni 800—850 ming so‘mdan xarid qilish mumkin.
O‘zbekistonda Asus Zenfone 5 smartfoni 800 ming so‘mdan sotila boshladi 
