Artel Perfect1 smartfoni Toshkentda sotuvga chiqqani, "Fleshka” savdo majmuasida 650 ming so‘mdan sotilayotgani haqida xabar bergan edik. Endi uning narxi arzonlashib, 610 ming so‘mga taklif qilinmoqda. Bu haqda mobinfo.uz xabar berdi.

Artel Adi5S modelini esa avvalgi 380 ming so‘m o‘rniga 300 ming so‘mga xarid qilish mumkin bo‘ldi.

Taqqoslash uchun, yaqinda ochilgan Artel internet-do‘konida ushbu smartfonlar 700 ming va 376 ming so‘mdan sotilmoqda. "Aslida internet-do‘konda narxlar bozor narxlaridan pastroq bo‘lishi kerak”, — deb yozadi nashr.

Internet-do‘kon orqali Artel tugmali telefonlarining beshta modeli hamda Artel Perfect1 va Artel Adi5S smartfonlarini buyurtma qilish mumkin. Toshkent shahri bo‘yicha yetkazib berish bepul, to‘lov naqd pul yoki terminal orqali amalga oshiriladi.