O‘zbek san’atkorlaridan kimlar plastik operatsiyani ma’qul ko‘radi
“Даракчи” газетаси Ўзбекистон эстрадасининг машҳур аёллари орасида ўзига хос сўров ўтказиб, уларнинг қайсилари пластик жарроҳ хизматларидан фойдаланишни маъқул кўришию, қайсилари табиий гўзалликни афзал тутишларини аниқлашга ҳаракат қилди.
“Пластик жарроҳлик муҳим деб биладиганлар” категориясига хонандалар Манзура ва Муниса Ризаевалар киритилди.
“Эстрада оламига кириб келганимдаги кўринишим билан бугунгисининг фарқи катта. Шу сабаб ёлғондан фойда йўқ, - тан олди Манзура. – Бунгача икки маротаба пластик операцияни бошдан ўтказганман. Шунингдек, ботокс ва лабга биогель билан ишлов бериш усулларидан фойдаланиб тураман ва замонавий тиббиёт имкониятларидан фойдаланишнинг ҳеч қандай ёмон томони йўқ деб биламан”.
“Пластик жарроҳлик йўли билан бурнимнинг шаклини ўзгартирдим, - деди Муниса Ризаева. – Чунки бу иш жараёнида анча ноқулайликлар келтириб чиқарарди. Масалан, тасвирга олиш жараёнида керакли ракурсни топишга қийналишарди. Лабларим шаклини ўзгаритишда ботоксдан фойдаланишимни ҳам яширмайман. Лекин сунъий гўзалликка ҳаддан ташқари берилиб кетиш соғлиққа зарарлигини биламан ва зарурат бўлмаса, мурожаат қилмаган бўлардим”.
Актриса Зарина Низомиддинова ва раққоса Паризода эса пластик операциядан кўра пардоз-андозни хуш кўришларини эътироф этишди.
“Қошимни растушёвка қилганман, - деди Паризода. – Лабларимга ҳам махсус гель билан ишлов берилган. Бу иккала муолажани амалга оширганимга анча бўлди. Космотология соҳасида бу янгилик кашф қилинганида, қизиқиб ўзимда синаб кўрганман. Аммо бу ишимдан ҳозир афсусланаман. Чунки табиий гўзалликка ҳеч нарса етмайди”.
Раққоса Муҳаббат Қурбонова ва актриса Наргиза Абдуллаева эса пластик операцияни ҳам, косметологик жараёнларни ҳам маъқулламасликларини, табиий гўзалликни ҳар нарсадан афзал кўришларини айтишди.
“Пластик жарроҳлик, косметологик муолажалар ва бошқа ҳар қандай сунъийликка қаршиман. Тўғри, бундай имкониятлардан фойдаланган ҳамкасбларимиз “санъаткорлар халқ кўз ўнгида доим гўзал бўлиб юриши керак” деган фикрни олға суришади. Бироқ мухлислар ҳам табиийлик билан сунъийликнинг фарқини жуда яхши билишади”, - таъкидлади Наргиза Абдуллаева.
Ko'ngil bog'i-soundtreck [feat Girl]
O‘zbek san’atkorlaridan kimlar plastik operatsiyani ma’qul ko‘radi 
