БОШ ПРОКУРАТУРА БОШ ВАЗИР СОБИҚ ЎРИНБОСАРИНИ "МТС-ЎЗБЕКИСТОН"ГА НОҚОНУНИЙ ЛИЦЕНЗИЯ БЕРГАНЛИКДА АЙБЛАБ, ЖИНОИЙ ИШ ҚЎЗҒАТДИ!

Ниҳоят, "МТС-Ўзбекистон” "иш”и бўйича чалкашликлар ечимини топди. Барча муаммолар ўзаги, компания бошига тушган "қора кунлар” бош сабаби - ноқонуний лицензиялар эканлиги кўпчиликкка сир эмас. Бироқ, қонунга хилоф тутилган бундай жиноий тадриж бошида ким турганлиги ҳамма учун жуда қизиқ эди.

Ўзбекистон Республикаси Бош прокуратурасига кўра, мамлакатда телекоммуникация ривожига масъул - бош вазир собиқ ўринбосари Абдулла Орипов "МТС-Ўзбекистон” компаниясига ноқонуний лицензиялар беришда айбдор деб топилди. Орипов устидан очилган жиноий иш қандай хулоса билан якун топади? Воқеаларни кузатишда давом этамиз.