Londonda elektr taksilar harakatlanishiga ruxsat berildi
London rahbariyati birinchi marta elektromobillarga taksi sifatida ishlashga ruxsat berdi, deya xabar bermoqda Motor.ru. Litsenziyani Frazer-Nash Research va Ecotive kompaniyasi tomonidan ishlab chiqilgan Metrocab modeli qo‘lga kiritdi.
Ishlab chiquvchilar ta’kidlashicha, bu nafaqat Londondagi, balki butun dunyodagi ilk elektr taksidir. Elektr motorlar yordamida harakatlanadigan birinchi avtomobillar Buyuk Britaniya poytaxtida allaqachon yo‘lovchi tashishni boshladi.
Metrocab’ning birinchi haydovchisi Preston Morris so‘zlariga ko‘ra, ilk mijozlarni mashinaning qulayligi va tekis harakatlanishi hayratga solgan.
Yangi avtomobilning uzunligi 4905 mm, kengligi 1800 mm, balandligi esa 1925 millimetrga teng.
Taksining kuch qurilmasi bir juft elektr motordan iborat bo‘lib, ularning umumiy ish koeffitsiyenti 135 ot kuchiga teng. Modelning yo‘l yurish zaxirasi 590 kilometrdan iborat.
Londonda elektr taksilar harakatlanishiga ruxsat berildi 
