«RIA Novosti» xabar berishicha, Uolt Disney kinostudiyasining «Muz yurak 2» multfilmi jahon kinematografiyasi tarixidagi eng ko‘p pul ishlagan multfilmga aylandi.

«Muz yurak 2» kassa yig‘imlaridan to‘plagan mablag‘ 1,325 milliard dollardan oshdi, deyiladi «Boxofficemojo» portali xabarida.

Shu paytgacha ushbu reytingda to‘liq metrajli «Super oila 2» (1,243 mlrd. dollar) va «Sovuq yurak» (1,281 mlrd. dollar) animasion filmlari yetakchi edi.

« Muz yurak 2» Uolt Disneyning 2019 yilda 1 milliard dollardan ko‘p pul tushirgan oltinchi loyihasi bo‘ldi. Eng ko‘p daromad xorijdagi namoyishlardan tushgan.