Xalqaro hind kinoakademiyasi 16-taqdimotining asosiy nominatsiyalariga kiritilgan nomzodlar ro‘yxati e’lon qilindi. Videocon D2H IIFA kunlari va taqdimot marosimi joriy yilning 5-7 iyun kunlari Malayziya poytaxti Kuala-Lumpur shahrida bo‘lib o‘tadi.
2014-yilda boks-ofisda “bo‘ron” ko‘targan quyidagi filmlar bir necha nominatsiyalarda nomzod sifatida “hokimlik” o‘rnatdi: “2 shtat”(9 ta nominatsiya), “Haydar” (8 ta nominatsiya), “PK” (6 ta nominatsiya), “Qirolicha” (5 ta nominatsiya).
IIFA tashkilotchisi - Wizcraft kompaniyasi direktori Andre Timmins shunday deydi: “Hind kinosining yildan yilga nufuzi oshib borayotgani quvonarli hol. O‘tgan yil turli janrlar rivojlanishi, yangi talantlar kashf etilishi uchun juda qulay imkoniyatlar yaratdi. Bu yilgi nominatsiyalarda esa juda yirik filmlar bir-biriga raqiblik qiladi".
Bu yil “Eng yaxshi bosh rol” uchun Shohruh Xon (“Yangi yil bilan”), Amir Xon (“PK”), Ritik Roshan (“Beng-beng”), Arjun Kapur (“2 shtat”), Shahid Kapur (“Haydar”) va Randip Huda (“Shosse”) “kurashadi”. Aktrisalardan “Eng yaxshi bosh rol” uchun nomzodlari e’lon qilinganlar: Dipika Padukone (“Yangi yil bilan”), Priyanka Chopra (“Meri Kom”), Rani Mukerji (“Mardonavor”), Anushka Sharma (“PK”), Kangana Ranaut (“Qirolicha”) va Aliya Bxatt (“2 shtat”).
IIFA (Xalqaro hind kinoakademiyasi) haqida
Wizcraft xalqaro kompaniyasi tomonidan ta’sis etilgan IIFA taqdimoti Janubiy Osiyodagi eng nufuzli taqdimotlardan sanalanadi. Qizaqarliligi bobida esa dunyoning eng tomoshabop shousi hisoblanib, har yili 800 millionga yaqin muxlis ko‘zini zangori ekranga qadaydi! IIFA kengqamrovli loyiha sanalib, uning doirasida festivallar, seminarlar, ko‘rgazmalar, global biznes-forumlar va voqealar kulminatsiyasida taqdimot marosimi o‘tkaziladi.
IIFA 2015! ENG ASOSIY 4 NOMINATSIYA:
3. “Eng yaxshi bosh rol”
Shahid Kapur (“Haydar”)
Amir Xon (“PK”)
Arjun Kapur (“2 shtat”)
Ritik Roshan (“Beng-beng”)
Randip Huda (“Shosse”)
Shohruh Xon (“Yangi yil bilan”)
4. “Eng yaxshi bosh rol”
Kangana Ranaut (“Qirolicha”)
Alia Bhatt (“2 shtat”)
Priyanka Chopra (“Meri Kom”)
Dipika Padukone (“Yangi yil bilan”)
Rani Mukxerji (“Mardonavor”)
Anushka Sharma (“PK”)
G‘oliblarni esa taqdimotga borganda bilamiz! Kuzatib boring!
Ko'ngil bog'i-soundtreck
IIFA 2015! Nomzodlar e’lon qilindi! 
