Jonni Depp Gollivudning eng foyda keltirmaydigan aktyori deb topildi
Yil yakunida Forbes jurnali an’anaga ko‘ra, Gollivudning eng foyda keltirmaydigan aktyorlari ro‘yxatini e’lon qildi. Unda Jonni Depp yetakchilik qilmoqda, deb xabar beradi “Tvkultura.ru”.
Statistikaga ko‘ra, 2015-yilda aktyor unga sarflangan har bir dollar uchun bor-yo‘g‘i 20 sent foyda keltirgan. Aktyorning reytingda birinchi o‘rinni egallashiga “Mordekay” filmi sabab bo‘ldi. Film byudjeti 60 million dollarni tashkil etgani holda, u 47 million dollar daromad keltirdi. Shuningdek, “Ustunlik” filmi unga sarflangan mablag‘dan (100 million dollar) bor-yo‘g‘i uch million dollar ortiq foyda keltirdi.
Ikkinchi o‘rindan Denzel Vashington joy oldi. Uning omadsiz deb topilishiga “Buyuk tenglagich” filmi sabab bo‘ldi.
Foyda keltirmaydigan aktyorlar uchligini Uill Ferrell yakunlaydi.
Shuningdek, ro‘yxatga Uill Smit, Tom Kruz va Bred Pitt ham kiritildi.
Jonni Depp Gollivudning eng foyda keltirmaydigan aktyori deb topildi 
