Hazil sabab sal bo‘lsa 3 yashar bola yonib ketardi
IIV ma’lumotiga ko‘ra, o‘tgan haftada respublikada 232ta yong‘in qayd etilgan bo‘lib, natijada 9 kishi jabr ko‘rgan va uch kishi halok bo‘lgan, deb yozmoqda podrobno.uz.
Navoiy va Andijon viloyatlarida sodir bo‘lgan ikki hodisada yosh bolalar jabr ko‘rganligi kishini g‘azablantiradi.
Navoiy viloyatining Xatirchi tumanida yong‘in fuqaro T.Akbarovning 3 yashar o‘g‘lining hazili sabab yuzaga kelgan. Natijada xonada turgan belanchak, shuningdek undagi bola jabr ko‘rdi. Tanasi kuygan bola o‘z vaqtida kasalxonaga yetkazildi.
Andijon viloyati Qo‘rg‘ontepa tumanida yashovchi Sh.Ochilova xonadonida esa qarovsiz qoldirilgan sham sabab uyga o‘t ketdi. Buning natijasida uy egasinig endigina bir yoshga to‘lgan qizi jarohatlandi.
Bundan tashqari Toshkent viloyati Quyi Chirchiq tumanida ro‘y bergan yong‘inda ham odam kuyishi kuzatildi. Bu hodisa mast holatda sigaret chekkan A.Mahmudov uyida sodir bo‘ldi.
O‘tgan haftada o‘t o‘chiruvchilar tomonidan 957.8 million so‘mlik uy-joy va 733.2 million so‘mlik tovar-moddiy boyliklar saqlab qolindi.
Hazil sabab sal bo‘lsa 3 yashar bola yonib ketardi 
