“Forsaj 7″ Xitoy tarixidagi eng kassabop filmga aylandi
Jeyms Von suratga olgan “Forsaj 7″ filmi Xitoy kinoprokati tarixida eng kassabop film sifatida qayd etildi. Bu haqda The Hollywood Reporter xabar berdi.
Film namoyishi boshlanganidan 15 kun o‘tib, 325,8 mln dollar yig‘ishga erishgan. Bundan oldingi eng yaxshi natija “Transformerlar: Qiruvchilar tarixi” filmi bilan qayd etilgandi (319 mln dollar).
Shuningdek, Xitoydagi natija butun dunyo bo‘yicha ham eng yaxshisi bo‘lib turibdi.
Kinotahlilchilar “Forsaj” filmining Xitoyda muvaffaqiyat qozonishi va bu ko‘rsatkichlarga erishilishini filmning davomi Xitoyda suratga olinishi rejalashtirilgani hamda filmning Xitoydagi premerasiga “Forsaj”ning asosiy kinoaktyorlari Vin Dizel, Jeyson Stetem va Mishel Rodrigesning tashrif buyurgani bilan bog‘lashmoqda.
Qaqnus - Destiny (korea)
“Forsaj 7″ Xitoy tarixidagi eng kassabop filmga aylandi 
