Yosh bo‘lishiga qaramay tinimsiz ijod qilayotgan, ko‘plab muxlislar auditoriyasiga ega xonanda Dalerning yana bir ijod namunasi bugun tinglovchilar e’tiboriga taqdim etildi. “O‘zbegim taronasi” radiosi mehmoni bo‘lgan xonanda yangi qo‘shiq haqida ma’lumotlar berib, boshlovchi bilan samimiy suhbatda bo‘ldi. Ma’lum bo‘lishicha, premera etilgan “Yurak” nomli yangi taronaning so‘zi Feruz Abdullaev qalamiga mansub. Musiqasini esa “Shod” guruhi ijodkorlaridan biri Shuhrat Umarov bastalagan. Aranjirovka ishlarini Jasur Badalboyev bajargan.
Har bir yangi qo‘shig‘i uchun bir-biriga o‘xshamas videokliplar yaratishdan charchamaydigan Daler, “Yurak” taronasiga ham tez kunlarda video suratga olish ishlarini boshlab yuborsa ajab emas. Bu haqda albatta eng birinchi bo‘lib bizning saytimiz orqali xabar topasiz. Kuzatib boring va sevimli xonandangiz ijodi haqidagi eng so‘nggi ma’lumotlardan boxabar bo‘ling.
Dalerdan “Yurak” tarona premerasi 
