Gollivud aktrisasi Anjelina Joli turmush o‘rtog‘i Bred Pittga yurak shaklidagi kichik orolni sovg‘a qilmoqchi. Bu haqda Britaniyaning Mirror gazetasi tarqatgan xabarga tayanib, "RIA Novosti” ma’lum qildi.

Nyu-Yorkdan 80 kilometr shimolda joylashgan ushbu Petra orolining taxminiy narxi 20 million dollarni tashkil etadi. Joli ushbu g‘aroyib sovg‘ani turmush o‘rtog‘iga uning tavallud kunida — 50 yillik to‘yida topshirishi kutilmoqda.

Nashrning ma’lum qilishicha, orolning maydoni 4,5 gektardan iborat bo‘lib, u yerda binolar majmuasi joylashgan. Uning qurilishi 1950-yilda Bred Pittning sevimli me’mori Frenk Rayt tomonidan boshlangan. Bundan tashqari, orolda vertolyot qo‘nishi uchun ham maxsus maydoncha mavjud.

Ta’kidlash joiz, ushbu taniqli juftlik ancha yillardan beri birga hayot kechirib, olti nafar farzandni voyaga yetkazmoqda. Ulardan uch nafari asrandi bolalar. Shu bilan birga, ular turmush qurishga shoshilmayapti. Biroq, ba’zi OAVlarning tasdiqlanmagan xabarlariga ko‘ra, ular o‘tgan yil Rojdestvo arafasida Karib orollarida maxfiy ravishda o‘z nikohlarini rasmiylashtirgan.

 Manba:daryo.uz