Anjelina Joli va Bred Pitt Turkiyadan villa sotib olishdi
Rossiya hukumati Turkiyaga parvozlarni bekor qilgan bir paytda Joli va Pittning bu davlatga mehri tushdi.
2014 yilda Gollivudning eng mashhur va badavlat juftliklaridan biri Anjelina Joli va Bred Pitt farzandlari bilan Turkiyaning Urla shahrida bir necha kun bo‘lishgan edi. Do‘stlarining taklifi bilan kelgan juftlikka, yaxtadagi g‘arbiy sohillarga qilingan uzoq sayohat juda ma’qul bo‘lgan. Xabarlarga ko‘ra, oradan birmuncha vaqt o‘tgach, ular Turkiyaning g‘arbiy sohilidan 2.7 million dollarga villa sotib olishdi. Ma’lum bo‘lishicha, bu uy 4 qavatli bo‘lib, katta hovuzi, mashg‘ulot zallari bor.Umuman olganda, juda qulay sharoitlarga ega. Villaning mashhur yulduzlar tomonidan sotib olingani haqidagi xabar tarqalgandan so‘ng, Urla shahridagi uylar narxi yuqori suratlarda ko‘tarilib ketdi.
Eslatib o‘tamiz, Anjelina Joli va Bred Pittning Fransiya va Buyuk Britaniyaning eng qimmat tumanlarida villa va koshonalari mavjud. Hozirda ular Nyu-Orleandagi uylarini 6.5 million dollarga narxlab, sotuvga qo‘yishgan.
Anjelina Joli va Bred Pitt Turkiyadan villa sotib olishdi 
