Bred Pitt va Anjelina Joli oilasi tanazzulga yuz tutdi
G‘arb ommaviy-axborot vositalarining xabar berishicha, ajrashish tashabbusi Bred Pittdan chiqqan.
Hech kimga sir emaski, Gollivudning bu mashhur oilasida oxirgi yillarda turli nizolar, janjallar, kelishmovchiliklar yuz bermoqda. Ularning nikohi bekor qilingani rasman e’lon qilinmagan bo‘lsa-da, bu voqeaning yaqin kunlarda amalga oshish ehtimoli mavjud.
Ashrashish tashabbusi Bred Pittdan chiqdi, Anjelina Joli namunali oila timsolini saqlab qolish maqsadida eridan bu masalani kechiktirishni iltimos qildi. Juftlik avval Anjelina Joli rejissyorlik qilgan “Daryo bo‘yida” filmining premerasini kutdi. Film muvaffaqiyatsizlikka uchragach, Anjelina Breddan unga ikki yoqlama zarba bermaslikni so‘radi. Bugun barcha ommaviy-axborot vositalari “Oskar” mukofoti taqdimot marosimiga ularning birgalikda tashrif buyurish-buyurmaslik masalasini muhokama qilishmoqda. Mish-mishlarga qaraganda, Bred Pitt tadbirga yolg‘iz o‘zi kelishni rejalashtirgan. Bu voqealar Anjelina Jolining sog‘ligiga yomon ta’sir ko‘rsatganligi bois u oxirgi paytlarda tez-tez psixolog xizmatiga murojaat qilmoqda. Shou-biznes olamida namunali oila sohibi va sohibasi deb yuritilgan Bred Pitt va Anjelina Joli bugungi kunda, hayotda “Baxtli er-xotin” rolini qoyilmaqom qilib, ijro etishmoqda.