Yosh bo‘lishiga qaramay, ko‘pgina yutuqlarga erishgan, o‘zining diltortar taronalari bilan katta-yu kichik muxlislarning qalbidan joy egallab kelayotgan xonanda Daler bugun navbatdagi kompozisiyasini taqdim etdi. Ayni damda “O‘ynaysan” deb nomlangan mazkur tarona uning doimiy hamkorlari ya’ni “JB Media” bilan birgalikda yaratildi. Xabaringiz bor, “JB Media” hozirgi kunda uch xonanda bilan doimiy hamkorlikni yo‘lga qo‘ydi. Ulardan biri Daler bo‘lib, “JB Media” loyihasi sifatida o‘z ijodini davom ettirmoqda. Daler ijrosidagi yangi musiqiy asarning mualliflariga to‘xtaladigan bo‘lsak, so‘zi va musiqasi Shuhrat Umarga tegishli. Aranjirovkasini esa Jasur Badalboyev amalga oshirgan. Xonanda qo‘shiqni haqiqatdan ham maromiga yetkazib ijro etgan. Bu tarona oshig‘ining yuragini, tuyg‘ularini o‘ynayotganlarga bag‘ishlab kuylangan desak mubolag‘a bo‘lmaydi. Qo‘shiqni tinglang va so‘zimizga o‘zingiz guvohi bo‘ling. Kompozisiya haqida o‘z fikr hamda mulohazalaringizni bildirishni unutmang.
Dalerning yuragini o‘ynayotgan qiz kim bo‘ldi? 
