DAISh Rossiya metropolitenida portlash uyushtirmoqchi
Jangarilar Rossiya hududiga sayyohlar ko‘rinishida kirishni rejalashtirayotgani aniqlangan.
Rossiya Federatsiyasida DAISh bilan aloqador muammo chiqmasligi uchun juda qattiq nazorat o‘rnatilgan. Albatta, terroristik guruh rahbarlarining ham bundan xabari bor. Mamlakatga kirishning hech bir imkoni topilmagach, DAIShning 3 nafar jangarilari sayyoh ko‘rinishida Rossiya hududiga kirmoqchi. Bu haqda “Regnum.ru” nashri ma’lumot beradi. Ularning bu rejasi Rossiya hukumatiga ayon. Shu sababli nazorat yanada kuchaytirilgan.
Ma’lumotlarga ko‘ra, DAISh jangarilari Saudiya Arabistonidan Tunisga, u yerdan Suriyaga kelishgan. Endilikda esa ular Rossiyaning Yekaterinburg hamda Sankt-Peterburg shaharlaridagi metropoltenlarning biriga hujum uyushtirish istagida. 3 nafar jangari va ikki hudkush ayol mamlakatning maxsus xizmati tomonidan qidirilmoqda. Maxsus xizmat bergan ma’lumotlarga ko‘ra ular terroristik hujumni har ikki shaharda, bir kunda amalga oshirishni rejalashtirgan.
DAISh Rossiya metropolitenida portlash uyushtirmoqchi 
