Chekish va spirtli ichimlik ichish zararli ekanligini hamma yaxshi biladi. Chekish o‘pka va boshqa nafas a’zolarining saratoniga olib keladi, spirtli ichimlik ichish ham hech undan qolishmaydi. U miya, jigar, oshqozon-ichak hujayralariga halokatli ta’sir ko‘rsatadi. Ular qatorida shunday odatlar ham borki, ularning zarari chekish va ichishdan ham qolishmaydi.

1-odat: Jismoniy harakatsizlik

Hozirgi kunda aksariyat insonlar vaqtini o‘tirgan holatda – kompyuter qarshisida o‘tkazadi. Ko‘p o‘tirish bilan bog‘liq faoliyat ham semirish, osteoxondroz, oshqozon-ichakdagi muammolarga olib keladi. Bundan qochish uchun esa ko‘proq harakat qilish, tushlik va kechki ovqatdan keyin toza havoda sayr qilish, kun davomida yengil mashqlar bajarib turish kerak. Bu tanada qon aylanishini yaxshilaydi.

2-odat: Surunkali uyqusizlik

Aksariyat insonlar ovqatlanish va jismoniy faollikka qat’iy amal qilishsa ham, negadir uxlash tartibiga amal qilishmaydi. Uyqusizlik surunkali charchoqqa, depressiyaga, ruhiy yoki bo‘lmasa asabiy buzilishlarga yetaklaydi.
Bir sutkada 8 soatdan kam uxlamaslikka harakat qiling.

3. Hayvon yog‘larini ko‘p yeyish

“Xitoycha tadqiqotlar” nomli kitobda hayvon yog‘larini (go‘sht, sut) ko‘p iste’mol qilish qandli diabet, saraton, oshqozon-ichak tizimi buzilishlariga olib kelishi haqida ma’lumotlar bor. Ammo, bu vegetariancha ovqatlanish tartibiga o‘tishingiz kerak, degani emas.

Ovqatlanish tarkibidan dengiz, o‘simlik mahsulotlariga ko‘proq e’tibor bering. Haftada bir marta hayvon yog‘laridan butunlay voz keching.