"O`zbekiston Respublikasi Prezidenti saylovi to`g`risida"gi Qonunga ko`ra,saylov kuni va ovoz berish boshlanishiga bir kun qolganida saylovoldi tashviqotiga yo`l qo`yilmaydi.
“Sukunat kuni”dan ovoz berish yakunlanguniga qadar ommaviy axborot vositalarida, tele- va radiokanallarda saylovoldi tashviqoti taqiqlanadi, boshqa turdagi saylovoldi tashviqotini olib borishga yo`l qo`yilmaydi.
Qonunchilikka binoan, bu kunda nomzodlarga ovoz berishga chaqiradigan tashviqot materiallari olib tashlanishi kerak. Qonunda belgilangan tartibda joylashtirilgan bosma tashviqot materiallari - varaqalar, plakatlar va boshqalar jamoat gavjum bo`ladigan joylarda saqlanmasligi lozim. Binolar, inshootlar, tashqi reklama vositalari va boshqa joylarga joylashtirilgan saylovoldi tashviqoti materiallari uchastka saylov komissiyalari a`zolari, siyosiy partiyalar, mahalliy davlat hokimiyati organlari va fuqarolarning o`zini o`zi boshqarish organlari vakillari tomonidan olib tashlanadi. Saylovoldi tashviqoti materiallarini olib tashlash ovoz berish boshlanishidan ikki kun avval soat 20:00 da boshlanadi va ovoz berish kuniga bir kun qolganida soat 00:00 da yakunlanadi. Shundan kelib chiqib, saylovga bir kun qolganda hech bir jamoat joyida tashviqot materiali bo`lmasligi lozim.
"Sukunat kuni"da ruxsat beriladigan yagona tashviqot tadbiri, bu - saylovchilarni ovoz berishga chorlashdir.
Bugun O`zbekistonda “Sukunat kuni” 
