Bugun, 14 mart kuni Yevropa chempionlar ligasining nimchorak finalidan o‘rin olgan yana ikki uchrashuv bo‘lib o‘tadi.

Jumladan, “Barselona” Kataloniyada “Chelsi” klubini qabul qilsa, “Bavariya” Turkiyada “Beshiktosh” mehmoni bo‘ladi.

“Bavariya” deyarli muddatidan oldin chorak final masalasini hal etib bo‘lgan, ammo “Barselona” – “Chelsi” o‘yinida qaysi jamoa keyingi bosqichda o‘ynashini avvaldan taxmin qilish mushkul.

To‘g‘ri, kataloniyaliklar safardagi durang evaziga biroz bo‘lsada ustunlikni o‘zlari tomon og‘dirishgan.

Ammo Antonio Konte shogirdlari ham APLda chempionlik umidini uzishgandan keyin bor e’tiborlarini YeChL musobaqasiga qaratishgan.

Demak, bugun “Nou Kamp”da biz kutgan va kutilmagan voqealarga boy qiziqarli uchrashuv bo‘lib o‘tadi.

Har ikki o‘yinni ham o‘tkazib yubormaslikni tavsiya etamiz.

EChL, 1/8 final.
Javob uchrashuvlari.
“Beshiktosh” – “Bavariya”
14 mart, 22.00, “Vodafon-Arena” stadioni.
Dastlabki o‘yin natijasi: 0:5

“Barselona”– “Chelsi”
15 mart, 00.45, “Kamp Nou”
Dastlabki o‘yin natijasi: 1:1.

Akmalxon Eshonxonov