BlackBerry kompaniyasining Moskvadagi ofisi o‘zini oqlamaydigan deb topilib, vaqtinchalik ishini to‘xtatdi.
Bu qarorning rasmiy sabablari oshkor etilmadi. Kompaniyaning Rossiya bozoridan chiqib ketishi haqidagi gaplar joriy yilning bahoridayoq tarqagan edi. O‘shanda kompaniyaning hamkorlari bo‘lgan yirik uyali operatorlar Blackberry Enterprise Service'ga yangi abonentlarning ulanishi to‘xtatilganini ma’lum qilgan edi. Shunga qaramay, joriy yilning martida kompaniya Rossiyada bir qator yangi loyihalarni amalga oshirdi.
BlackBerry kompaniyasidagi umumiy vaziyat ham barqaror emas. Kompaniya direktori Jon Chen brend sotilmasligi va smartfonlar bozoridan chiqib ketmasligini ko‘p bora takrorlagan bo‘lishiga qaramay, kompaniya xarajatlarni qisqartirish uchun turli chora-tadbirlarni amalga oshirmoqda. Rossiyadagi vakolatxonaning yopilishi ham o‘zini oqlamaydigan xarajatlarni qisqartirish bilan bog‘liq bo‘lishi mumkinligi aytilmoqda.
BlackBerry Rossiyadagi vakolatxonasini yopdi 
