Kataloniyaning “Barselona” klubi Madridning “Atletiko” jamoasi hujumchisi Antuan Grizmann xizmatlariga qiziqish bildirmoqda. Bu haqda “Chempionat” nashri xabar berdi.

Manbaning tarqatgan xabariga ko‘ra, kataloniyaliklar Fransiya terma jamoasi futbolchisining agenti bilan muzokaralar olib borishgan.

Shuningdek, “Barselona” ustozi Ernesto Valverde ham Grizmann transferi tezroq amalga oshishini istamoqda.

Eslatib o‘tamiz, “Barselona” avvalroq, Grizmann transferini sotib olish uchun harakat qilib ko‘rgandi.

Biroq yakunda “Barselona” futbolchi uchun so‘ralgan 200 million yevroni to‘lay olmasdan, boshqa futbolchi Usmon Dembele nomzodida to‘xtagandi.

Aytishlaricha, “Barselona” endilikda Fransiya terma jamoasi yetakchilaridan biriga 100 million yevro to‘lashga tayyorligini bildirgan.

Taxminlarga qaraganda, “Barselona” qishgi transferlar mavsumida “Atletiko”ga futbolchi borasida rasmiy taklif yuboradi.

Ma’lumot uchun, Antuan “Atletiko” tarkibiga 2014 yil “Real Sosedad” klubidan ko‘chib o‘tgandi. Uning klub bilan tuzgan amaldagi shartnomasi 2022 yil yakuniga yetadi.

Hujumchi shuncha vaqt davomida 118 ta rasmiy o‘yinda maydonga tushib, 62 marta raqiblar darvozasiga gol urgan.

Akmalxon Eshonxonov