San’atimizda o‘z o‘rni va yo‘nalishiga ega bo‘lgan, o‘zining noodatiy va kutilmagan ijod mahsullari bilan xalqimiz qalbidan joy egallab kelayotgan Yagona yaqindagina saytimiz orqali taqdim etgan “Olma” taronasiga videoklip suratga oldirdi. Mazkur klip Sardor Ahmedov bilan hamkorlikda suratga olindi.
Sho‘x va raqsbop qo‘shiqqa mos ravishda ishlangan video asarda Yagonani kelin obrazida ko‘rishingiz mumkin. Xonanda bu obrazni yaratishda Lidiya Andre bilan hamkorlik qildi. Shuningdek Javlon Shodmonov ham bosh rollardan birini ijro etmoqda. Tez kunda ushbu syujetni tomosha qilib o‘zingiz klipga baho berishingiz mumkin.
Eslatib o‘tamiz, “Olma” deb nomlangan mazkur musiqiy asarning matni Nodir Azimovga, musiqa va aranjirovkasi Temur Rahmatovga tegishli.
Yagonaning olmasi Javlon Shodmonovga nasib etdimi? 
