Ulug‘bek Rahmatullayevning konsertida kutilayotgan sovg‘alar sirini ochamiz
O‘zbekistonda xizmat ko‘rsatgan artist Ulug‘bek Rahmatullayev ma’lumki, noyabr oyida 5 kunlik “Qirmizi olma” nomli yakkaxon konsert dasturini taqdim etadi. Xonanda mazkur dasturiga katta tayyorgarlik ko‘rmoqda. U kun-u tun tinimsiz ijod qilib, yangi qo‘shiqlar yaratmoqda. Xonanda instagramdagi rasmiy sahifasida ham yangiliklarni kuzatuvchilari bilan bo‘lishib kelmoqda. Ulug‘bek Rahmatullayevning xabar berishicha, konsertda 10 ga yaqin yangi taronalar ijro etiladi. Shuningdek, u navbatdagi albomi ustida ham ishlamoqda. Qolaversa, konsert dasturiga turli loyihalar tayyorlamoqda. Ulardan biri, qiziqchi Shukurillo Isroilov bilan hamkorlikda bo‘lishi kutilmoqda.
Bu hali hammasi emas. Ulug‘bek Rahmatullayev kuni kecha yana bir yangi taronasini yozib tugalladi. Ko‘rib turganingizdek, xonandaning bu yilgi konsert dasturi ham sanoqsiz sovg‘alarga boy bo‘lishi tayin. Shunday ekan, Ulug‘bek Rahmatullayevni qo‘llab-quvvatlagan holda, uning intiqlik bilan kutilayotgan konsert dasturiga omad tilab qolamiz. Xonanda muxlislarini qay darajada lol qoldira oladi, buni albatta konsert dasturi davomida bilib olamiz.
Ulug‘bek Rahmatullayevning konsertida kutilayotgan sovg‘alar sirini ochamiz 
