Qish fasli o‘zining birinchi kunidan boshlab qahratonligini namoyish etdi. Kecha, 1 dekabr kuni tunda yog‘ishni boshlagan qor, yerni qoplay oldi.
Qorning yerni qoplashi haqiqatdanda go‘zal manzara, ammo buning ham yetarlicha tashvishlari, noqulayligi bor.
Avval xabar berganimizdek, Respublikaning ayrim viloyatlarida qor yoqqan edi.
Qor yog‘ishi natijasida havo harorati keskin pasayib ketdi. Jumladan bugun, 2 dekabr kuni kunduzi Toshkentda -1, kechasi esa -3 daraja bo‘lishi aytilmoqda.
Joriy yilning 3,4 dekabr kunlari ham havo haroratining kunduzi -1 va kechasi -9 darajada bo‘lishi kutilmoqda.
5 dekabr, seshanba kuni esa qishning dastlabki kunlarida so‘nggi 2-3 yilda kuzatilmagan sovuq bo‘lishi aytilmoqda. Kunduzi havo -1 darajada bo‘lsa, kechasi -10 darajagacha tushib ketadi.
6 dekabr, Chorshanba kuni kunduzi havo biroz iliq bo‘ladi, kechasi esa havo -9 darajada bo‘lish ehtimoli bor.
7 dekabr, payshanba kuni kunduzi havo +6 daraja isiydi, lekin kechasi -3 darajaga tushib ketadi.
8 dekabr, juma kuni kunduzi havo harorati +11 darajagacha ko‘tarilsa-da, kechasi -3 daraja sovuq bo‘ladi.
Haftaning so‘nggi kunlari, shanba va yakshanbada kunduzi havo harorati issiqroq bo‘lishi xabar qilinmoqda.
Toshkentda harorat -10 ga tushib ketadi 
