Toshkentda Darxon va Yunusobodni bog‘lab turuvchi qisqa yo‘l ochildi
Toshkentdagi Abdulla Qodiriy shoh ko‘chasi va Qori Niyozov ko‘chasini birlashtiruvchi yo‘l ochildi. Bu haqda 12news.uz xabar bermoqda.
Facebook’dagi “Voditeli Tashkenta” guruhi a’zolarining ma’lum qilishicha, Darxondan Yunusobodga olib chiqadigan qisqa yo‘l ochilganini ma’lum qilishdi.
UZ24’ning xabar berishicha, endi haydovchilar Darxon dahasidan Yunusobodga o‘tish uchun, bir necha kilometr yo‘l bosib, Oloy bozori orqali harakatlanishlari shart emas.
Bundan tashqari, Q. Niyozov ko‘chasining qarama-qarshi tomonida Markaz-2 mavzesiga kirish yo‘li ochilgan (avvallari bu yerga 500 metr masofada joylashgan qayrilish joyidan kirish mumkin edi, xolos).
Shuningdek, Mahatma Gandi ko‘chasiga to‘g‘ridan-to‘g‘ri kirish yo‘li ham ochilgan.
Toshkentda Darxon va Yunusobodni bog‘lab turuvchi qisqa yo‘l ochildi 
