Toshkentda 20-iyul kuni havo harorati ko‘tarilishi mumkin
O‘zbekistonda 20-iyul, chorshanba kuni yog‘ingarchilik kutilmaydi. Bu haqda “O‘zgidromet” markazi xabar bermoqda.
Chorshanbaga o‘tar kechasi O‘zbekistonning tog‘li hududlarida havo harorati +10…+15 daraja, Toshkent shahrida +20…+22 daraja, mamlakatning qolgan joylarida +20…+27 darajagacha iliq bo‘ladi.
20-iyul kuni kunduzi tog‘li joylarda havo harorati +22…+27 daraja iliq, Toshkent shahrida +35…+37 daraja issiq bo‘ladi.
Shu kuni Toshkent, Samarqand, Jizzax, Sirdaryo, Andijon, Namangan va Farg‘ona viloyatlarida havo harorati +38 darajagacha, Qoraqalpog‘iston Respublikasi, Xorazm, Buxoro va Navoiy viloyatlarida +40 darajagacha, Qashqadaryo va Surxondaryoda esa +42 darajagacha ko‘tarilishi mumkin.
Toshkentda 20-iyul kuni havo harorati ko‘tarilishi mumkin 
