Toshkent shahri avtobuslari WiFi bilan ta’minlandi
Yuqoridagi suratda keltirilgan belgisi bor avtobuslarni ko‘rsangiz, bilingki, bu transport vositasi bepul internet bilan ta’minlangan. 11 fevraldan jamoat transporti hisoblangan avtobuslarni WiFi bilan ta’minlash ishlari qayta tiklandi.
Hozircha bepul WiFi tizimi shaharning 6 yo‘nalishida harakat qiluvchi avtobuslarda mavjud. Bular 10, 14, 24, 28, 51 va 95 raqamli avtobuslardir.
Yil so‘nggiga qadar shahardagi barcha avtobuslarni bepul internet bilan ta’minlash rejalashtirilmoqda.
UZMOBILE WIFI tizimiga ulanish uchun avtobus yo‘lovchisi quyidagi amallarni bajarishi lozim:
1. Abonent (+99895) 146 94 34 raqamiga SMS-qisqa xabar jo‘natishi kerak.
2. Sozlamadan “UZMOBILE-WiFi” tarmog‘ini topishi lozim.
3. SMS xabar orqali kelgan parolni mobil uskunalar orqali internetga ulanganda avtomatik ravishda nomini o‘zgartiruvchi Captive portal maxsus portaliga kiritishi kerak.
Ana shu harakatlarni amalga oshirgan holda bepul internet tizimiga ulanishi mumkin bo‘ladi.
O'zga Sayyoralik Mahbubim - Hello-Goodbye
Toshkent shahri avtobuslari WiFi bilan ta’minlandi 
