Elektron texnika ishlab chiqaruvchi Sony kompaniyasi kompyuter ishlab chiqarish biznesini Japan Industrial Partners investitsion jamg‘armasiga sotishini ma’lum qildi. Bu haqda Digit.ru sayti ma’lumot bermoqda.

Mazkur shartnomaning qiymati ma’lum qilinmayapti, ammo Yaponiya ommaviy axborot vositalari tarqatgan xabarlarga ko‘ra, u 40—50 milliard ien (400—500 million AQSh dollari) bo‘lishi mumkin. "Reyter” agentligi xabariga ko‘ra, Vaio kompyuterlari biznesida Sony ham 5 foiz ulush bilan qolishni rejalashtirgan.

Sony kompaniyasi ma’lumotida aytilishicha, u endi personal kompyuter bozoridan chiqib, asosiy kuchini o‘z nuqtai nazarida muhim hisoblangan mahsulotlar – televizor, kamera, smartfon va planshetlar ishlab chiqarishga yo‘naltirmoqchi. VAIO ishlab chiqarilishining aynan Japan Industrial Partners’ga sotilishidagi e’tiborli jihat endi bu kompyuterlar jahon bozoriga chiqmasligidir. Zero, JPL faoliyati faqat yapon xaridorlariga xizmat ko‘rsatishga yo‘naltirilgan.