Shahzoda Muxammedovani Zulayho Boyxonovaga o‘xshatishdi
Aktrisa Shahzoda Muhammedova kechadan buyon ijtimoiy tarmoqlar foydalanuvchilarining e’tibor markazida turibdi. Instagram’ga tinimsiz suratlarini joylab boradigan aktrisa bir necha kundan buyon yangi fotojamlanmasidagi suratlarini Instagram’dagi shaxsiy sahifasi orqali ommaga oshkor qilib kelyapti.
Goh daraxtzorda, goh yerga o‘tirib tushgan suratlarini taqdim etayotgan aktrisaga nisbatan yozilayotgan tanqidlarnig oxiri ko‘rinmayapti. Kimdir uning ijtimoiy tarmoqlarga juda ko‘p surat joylashidan nolisa, yana boshqa birov Shahzodani nokamtarlikda aybladi. Ular orasida aktrisaning tashqi ko‘rinishini O‘zbekiston xalq artisti Zulayho Boyxonovaga o‘xshatayotganlar ham talaygina.
Qiziq, Shahzoda Muhammedova va Zulayho Boyxonova o‘rtasida rostan ham o‘xshashlik bormi?
Avvalari Shahzoda Muhammedova ijtimoiy tarmoqlardagi shaxsiy sahifasiga internet foydalanuvchilari yozib qoldirilgan nojo‘ya izohlarini o‘chirib tashlar edi. So‘nggi suratlarda esa bunday holat kuzatilmadi va aktrisa bu izohlarga javob ham qaytarmadi. Balki u tanqidlardan to‘g‘ri xulosa chiqargandir.
Shahzoda Muxammedovani Zulayho Boyxonovaga o‘xshatishdi 
