Krishtianu Ronaldu YeChL 3-turidan o‘rin olgan "Manchester Yunayted"ga qarshi o‘yin oldidan o‘z fikrlarini bildirib o‘tdi. Portugaliyalik forvard jurnalistlar tomonidan aqshlik qizni zo‘rlagani borasidagi ayblovlar haqida berilgan savolga javob qaytardi.

"Men maydonda ham, uning tashqarisida ham doimo tabassum qilaman. Men baxtliman va o‘zimni shunday deb bilaman. Men fantastik klubda o‘ynayman va menda ajoyib oila, to‘rt nafar farzandim va mustahkam sog‘lig‘im bor. Qolganlari meni qiziqtirmaydi.

Zo‘rlash? Biz bu borada ikki hafta oldin bayonot bilan chiqdik. Men yolg‘on gapirishni istamayman va advokatlarimning ishlariga ishonaman. Futbol o‘ynab, undan lazzatlanishni istayman. Haqiqat albatta yuzaga chiqadi", - dedi Ronaldu.