Унинг коллекциясидан 30 дан ортиқ машиналар жой олган. Ушбу машиналар сотувга қўйилади, дея хабар бермоқда The Daily Mail нашри. 

Нашрнинг ёзишича, машиналар нархи кўтарилмаслиги учун уларнинг сотилишида Пол Уокернинг исми тилга олинмаяпти. Қайд этилишича, коллекция ичида BMW, Mustang ва  Porsche автомобилларини учратиш мумкин. 

Эслатиб ўтамиз, Пол Уокер 30 ноябрь куни Калифорнияда автоҳалокат қурбони бўлган. Ҳалокат пайтида у дўсти Рожер Родас бошқараётган спорткарда бўлган. Автомобил номаълум сабабларга кўра тўсатдан бошқарувни йўқотган ҳамда дарахтга бориб урилган ва ёниб кетган. Ҳайдовчи ва актёр ўша жойнинг ўзида ҳалок бўлган.