Og‘ir ijtimoiy vaziyatdagi qashqadaryolik ayol o‘zini daryoga tashladi
Qashqadaryo viloyatida 28 yoshli ayol Qashqadaryo daryosining Qarshi shahri hududidan oqib o‘tuvchi qismida o‘zini daryoga tashladi va halok bo‘ldi. Bu haqda mahalliy Nasaf news nashri xabar bermoqda. Ma’lumotga ko‘ra, joriy yilning 13 mart kuni soat tahminan 15:00 lar atrofida 1992 yil tug‘ilgan, Koson tumani “Regzor” mahallasida istiqomat qiluvchi M.O, o‘zini Qashqadaryo sohili xiyoboniga borib daryoga tashlab yuboradi. Yuz bergan holatni kuzatish uchun olomon bir joyga to‘planib oladi. Buning natijasida ayolga tez tibbiy yordam ko‘rsatgani kelgan shifokorlar tirbandlikda qolib ketadi. Ma’lum bo‘lishicha, ayol daryoga o‘zini tashlashidan avval hamyonini daryo o‘zaniga qoldirgan. Hamyondan telefon, fuqarolik pasporti va yozib qoldirilgan xat chiqqan. Aytilishicha, ayol xatda og‘ir ijtimoiy vaziyatga tushib qolganini yozib qoldirgan.
Og‘ir ijtimoiy vaziyatdagi qashqadaryolik ayol o‘zini daryoga tashladi 
