O‘zbekistonda dollarning rasmiy kursi qariyb 5 so‘mga oshdi
O‘zbekiston Markaziy banki 2016-yil 12-yanvardan boshlab valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlari uchun xorijiy valyutalarning so‘mga nisbatan yangi qiymatlarini belgiladi.
Unga ko‘ra, 1 AQSh dollari 2821 so‘m 43 tiyin etib belgilandi. Bu 2016-yil 5-yanvardagi kursga nisbatan 4 so‘m 96 tiyinga ko‘p.
12-yanvardan e’tiboran 1 yevro qiymati 3053 so‘m 85 tiyin (5-yanvardagi kursga nisbatan 33 so‘m 84 tiyin arzon), 1 Rossiya rubli esa 38 so‘m 69 tiyin (5-yanvardagi kursga nisbatan 7 tiyin qimmat) etib belgilangan.
Eslatib o‘tamiz, valyuta qiymatini belgilash chog‘ida Markaziy bank mazkur valyutalarni ushbu qiymatda sotish yoki sotib olish majburiyatini olmagan.
O‘zbekistonda dollarning rasmiy kursi qariyb 5 so‘mga oshdi 
