Olmaliq shahrida joriy yilning 13 iyul kuni soat 17.35 larda Olmaliq shahrida yashovchi yollanma ishchi S.T. (1987 yilda tug‘ilgan) shahar markaziy shifoxonasiga mast holatda bosh ensa sohasi jarohati va chap ko‘z atrofi yumshoq to‘qimalarini lat yeyishi tashxisi bilan yotqizilgan.

Mazkur holat yuzasidan olib borilgan dastlabki surishtiruv ishlari vaqtida 2017 yilning 12 iyul kuni soat 17.00 larda Olmaliq shahar Moskva ko‘chasi, 6-b-uy ro‘parasida joylashgan 14-sonli MChJ “Savdo” do‘koni oldida yollanma ishchi, 1993 yilda tug‘ilgan Sh.A. tanishi S.T. bilan spirtli ichimlik iste’mol qilishib, mast holatda bo‘lgan Sh.A. kelib chiqqan janjal oqibatida S.T.ning yuziga urib, unga tan jarohati yetkazgani, S.T. yerga yiqilib, bosh qismidan tan jarohati olgani aniqlangan.

O‘rtachirchiq tumanida esa joriy yilning 2 iyul kuni soat 13.30 larda nafaqaxo‘r, 1949 yilda tug‘ilgan M.M. o‘zaro janjallashib, oilaviy kelishmovchilik sababli, o‘z qizi, uy bekasi 1982 yilda tug‘ilgan V.M.ni urib, unga tan jarohati yetkazgan. Natijada V.M. shifoxonaga yotqizilgan.

28 iyun kuni soat 23.00 larda Piskent tumanida yashovchi, vaqtincha ishsiz, 1994 yilda tug‘ilgan Z.M. Piskent tumani Murotali qishloq fuqarolar yig‘ini markazida o‘zaro janjallashib, 1986 yilda tug‘ilgan S.P.ni urib, unga tan jarohati yetkazgan. Natijada jabrlanuvchi shifoxonaga yotqizilgan.

Hozirda ushbu holatlar yuzasidan tergov harakatlari olib borilmoqda.

Bobur Jalolov