Nilufar Usmonovadan uzoq kutilgan klip - Dema dema
San’atimizning yorqin yulduzi Nilufar Usmonova yaqindagina "Dema dema" qo‘shig‘ini omma e’tiboriga havola qilgan edi. Qisqa fursat ichida o‘z tinglovchilarini topib, muxlislarga yuqori kayfiyat ulashgan taronaga videoklip ham tasvirga tushirilgan edi. Bugun ushbu video asar xalqimiz hukmiga havola etildi. Intiqlik bilan kutilgan klip, kutganingizga arziydigan, kayfiyatingizni yanada ko‘taradigan, eng asosiysi barchaga birdek yoqadigan ijod mahsuli desak yanglishmaymiz. Klipning g‘oyasi, qahramonlari ham tomoshabinlar diqqatini o‘ziga tortadi. Sovchilikka, kuyov tanlashga chiqqan amma va jiyanning sarguzashtlari tasvirlangan mazkur video asarda xonanda Umidaxon, xalqimiz sevgan aktrisa Muyassar Berdiqulova, shuningdek, Otabek Mirzaxolov, Ma’mur Holmedov, Husan Maqsudov, Bahtiyor Turg‘unov va boshqalar ishtirok etishgan. Eslatib o‘tamiz, klip rejissyori Sarvar Isaev, tasvirchi Rustam Murodov, qo‘shiqning so‘zi va musiqasi Shahboz va Navruzga tegishli, aranjirovkasi esa Jamshid Abdunazarov tomonidan ishlangan.
Sevgi Iztirobi (Kara Sevda) - Sensizlik
Nilufar Usmonovadan uzoq kutilgan klip - Dema dema 
