Nilufar Usmonovadan bahoriy taronani qarshi oling!
Bahor - fasllar kelinchagi. Ko‘klam mavsumi kirib kelishi bilan tabiat uyg‘onib, nafaqat atrof, balki insonlar qalbi ham go‘zallashadi.
Bu faslni tarannum etmagan san’atkor bo‘lmasa kerak. Sababi go‘zal tuyg‘ularni o‘zida mujassamlashtirgan bahor kirib kelishi barchamiz uchun haqiqiy ayyomga aylanadi.
Bir necha ymllik samarali ijodi bilan xalq nazarida bo‘lgan xonanda Nilufar Usmonova ham ijodidagi uyg‘onish fasliga atalgan taronani taqdim etmoqda! Hamisha qalbi bahor bo‘lgan sho‘x va shaddod xonanda Nilufar Usmonova yangi qo‘shig‘i ila qalblarga bahoriy kayfiyat ulashish istagida.
So‘nggi vaqtda Nilufar Usmonova Shuhrat Nuraliev bilan ijod qilayotganini uning muxlislari yaxshi bilishadi. Bu safar ham xonanda Shuhrat Nuraliev bilan hamkorlik qildi. Yangi "Xush kelding bahor" nomli qo‘shiqning matni aynan shu ijodkorga tegishli. Musiqasini esa Malika Vahobova bastalagan bu qo‘shiqni saytimiz orqali tinglab, bahramand bo‘lishingiz mumkin.
Nilufar Usmonovadan bahoriy taronani qarshi oling! 
