Estradamiz yulduzi Nilufar Usmonova so‘ngi kunlarda bir nechta yangi taronalar yaratishga ulgurdi. Ketma ket muxlislarga namoyish etilayotgan taronalar qatoridan tez kunlarda maftunkor Shahzoda bilan kuylangan duet  ham o‘rin olishi kutilmoqda. Ma’lumki, "Mayda mayda" nomli bu duet Shahzodaning yakkaxon konsert dasturlarida premera qilib ijro qilingan edi. Biroq hali keng jamoatchilikka namoyish etilmagan bo‘lsada, konsertni o‘zidayoq tinglovchilar qalbini zabt etishga ulgurgan. Bu hali hammasi emas. Nilufar Usmonova xorazm yo‘nalishida ham sho‘x qo‘shiq tayyorlab qo‘ygan. Dugonalarga bag‘ishlanadigan mazkur musiqiy asar ham yoz mavsumining ilk kunlarida taqdim qilinishi rejalashtirilgan. Ma’lumotlarga qaraganda, yuqorida so‘z ketgan har ikki tarona uchun ham videoklip tasvirga olinishi kutilmoqda.