Maykl Jeksonning 17 yoshli qizi turmushga chiqmoqchi
Afsonaviy “pop qirol” Maykl Jeksonning 17 yoshli qizi Peris Jekson 18 yoshli futbolchi Chet Kastello bilan turmush qurmoqchi.
O‘tgan dam olish kunlari juftlikning Los-Anjelesda sayr qilib yurgan onlari fotosuratchilar ob’ektiviga muhrlandi.
Perisning nomsiz barmog‘idagi sirli uzuk fotosuratchilarning e’tiborini tortdi. Qiz qolgan boshqa turli bilakuzuklar, uzuklar bilan bu romantik uzukdan e’tiborni chalg‘itishga uringan, biroq buning uddasidan chiqa olmadi.
Agar yoshlar haqiqatda nikoh qurishga ahd qilishgan bo‘lsa, unda ular Perisning amakisi, pop-qirolning akasi Jermen Jeksonning fotihasini olishlari kerak bo‘ladi. Jermen Jeksonning o‘zi jiyanining nikohiga izoh berishdan bosh tortdi, biroq jiyanining bunday yoshda ishqiy munosabatlar o‘rnatishiga qarshimasligini, “sevgi yosh tanlamasligini” aytib o‘tdi.
Eslatib o‘tamiz, yaqinda dunyo bo‘ylab nojo‘ya xabar tarqab o‘tgan edi. G‘arb OAVlarida Maykl Jekson Perisning otasi emasligi haqida mish-mishlar paydo bo‘lgan edi. Bundan xabar topgan Peris o‘zining joniga qasd qilmoqchi ham bo‘lgan.
Maykl Jeksonning 17 yoshli qizi turmushga chiqmoqchi 
