Lola va Rayhonning klipi shov-shuvlarga sabab bo‘lishi aniq
Estradamizning ikki nafar professional va latofatli, go‘zal vakilalari Lola va Rayhon fevral oyida birgalikda kuylangan "Ko‘nikmadim" nomli duet taronani muxlislarga taqdim etishgandi.
Bu duet noan’anaviy yo‘nalishda tayyorlanganligi bilan turli shov-shuvlarga sabab bo‘lib, bugungi kunda ommalashishga ham ulgurgan. Yaqinda duet uchun videoklip suratga olish ishlari olib borilib, bugun tayyor holatda premera sifatida taqdim etilmoqda.
Muhabbatning otashin hislari, bu tuyg‘uning qalbga yaqinligi aks etgan duet uchun klip unga mos tarzda kutilmagan va shov-shuvli kadrlarga boyligi bilan ajralib turadi.
Mazkur videoda har ikkala ijodkor tomonidan yaratilgan obraz mavhum ma’noda bo‘lsa-da, o‘ziga yarasha mazmunga ega. Lola va Rayhon nigohlari orqali qo‘shiq xulosasini tomoshabinga yetkazib bera olishgan.
Jasur Shametov tomonidan suratga olingan klipda kompyuter grafikasiga ham alohida urg‘u berilgan bo‘lib, bu esa klipning ta’sirchanligini yanada oshirishga hizmat qilgan, desak mubolag‘a bo‘lmaydi.
Videoni tomosha qila turib, turli his-tuyg‘ular ummoniga sho‘ng‘ib ketsangiz ajab emas. Bu klip muxlislar tomonidan intiqib kutilganligini alohida ta’kidlash zarur. Omadli duetga ishlangan videoklipni eksklyuziv ravishda saytimiz orqali tomosha qiling va Lola Rayhonning o‘ziga xos kutilmagan jihatlarini kashf eting! KLIPNI KO'CHIRISH
Lola va Rayhonning klipi shov-shuvlarga sabab bo‘lishi aniq 
