Twitter’da yangi qirol, aniqrog‘i, qirolicha paydo bo‘ldi. Amerikalik qo‘shiqchi Keti Perrining ushbu tarmoqda uning yangiliklarini kuzatib boruvchi obunachilari soni 50 milliondan oshdi. Twitter’ga asos solinganidan beri bu mutlaq rekord hisoblanadi, deb xabar beradi ITAR-TASS.

Uning Prism nomli to‘rtinchi albomidan o‘rin olgan Dark Horse deb atalgan qo‘shig‘ining muvaffaqiyati uning Twitter’da "ko‘tarilishi”ga sabab bo‘ldi. Ushbu haftada qo‘shiq Billboard 100 xit-paradida eng yuqori pog‘onani egalladi.

Shu tariqa, "follover”lari 50 milliondan oshib ketgan Keti Perri Twitter’da 49,2 million muxlisga ega bo‘lgan Jastin Biberdan mashhurlikni tortib oldi.

Twitter mashhurlari reytingida Obama 41,2 million muxlisi bilan uchinchi o‘rinni egallab turibdi.