Iphone’ga talab rekord darajada pasaygani qayd etildi
Apple korporatsiyasi o‘zining birinchi moliyaviy choragi hisoboti natijalarini taqdim etdi. Bu haqda The Verge xabar beradi.
Kompaniya 2015 yilning so‘ngi uch oyidagi tushumi 75,9 mlrd dollarni, sof daromadi esa – 18,4 milliard dollarni tashkil etganini qayd etdi. Shu tarzda Apple o‘zining avvalgi yilgi ko‘rsatkichlarini ortda qoldirdi.
Biroq shu bilan birga Apple o‘zining mashhur iPhone mahsulotiga talab rekord darajada pasayganini ham qayd etdi. Korporatsiya 74,78 million smartfon sotdi. iPad savdosi 21 foizga 16,1 milliongacha qisqardi.
Shu sababdi Apple 2007 yil iPhone savdoga qo‘yilgandan beri ilk bor tushum prognozini tushirishga majbur bo‘ldi. 2016 yilning ilk 3 oyida kompaniya 50 dan 53 milliard dollargacha ishlash maqsadi borligini bildirgan.
Aprelning boshida Apple o‘zining hamyonbop iPhone 5se smartfonini sotuvga chiqarishni rejalashtirgan. Mazkur uskuna ko‘rinishi jihatdan iPhone 5s'ni eslatadi.
Iphone’ga talab rekord darajada pasaygani qayd etildi 
