28-30 sentabr va 1 oktabr kunlari O‘zbekiston Respublikasida ob-havoning sovushi kutilmoqda.

Favqulodda vaziyatlar vazirligi tarqatgan xabarga ko‘ra, 28-30 sentabr va 1 oktabr kunlari O‘zbekiston Respublikasi hududiga Qozog‘iston Respublikasi va Povolje orqali Moskva viloyatida hosil bo‘lgan nam, sovuq havo massasi kirib kelishi kutilmoqda.

28-30 sentabr kunlari Respublika hududida vaqti-vaqti bilan yomg‘ir yog‘ishi, shamol tezligini 15-20 m/sgacha kuchayishi kutilmoqda.

28-29 sentabr kunlari havo harorati kunduzi 15-20 daraja iliq, 30 sentabr va 1 oktabr kunlari kechasi 3-8 daraja iliq, vaqti-vaqti bilan 0 darajagacha sovushi kutilmoqda.

28-30 sentabr kunlari O‘zbekistonning tog‘oldi va tog‘li hududlarida sel kelishi xavfi mavjudligi aytib o‘tilgan.

Zohirshoh Jo‘raev