GM Sankt-Peterburgdagi zavodidan 400 kishini ishdan bo‘shatdi
GM avtokonsernining Sankt-Peterburgdagi bo‘limi 400 nafar xodimini ishdan bo‘shatgan. Bu haqda bo‘lim direktori Yuliya Goroxovaga asoslanib, “Interfaks”xabar bergan.
“400 nafarga yaqin xodimimiz ishdan bo‘shatildi. Ularning bir qismi rasman ishsizga aylandi, bir qismiga esa boshqa ish topib berishga harakat qilyapmiz”, – deydi Goroxova.
Uning so‘zlariga ko‘ra, GM zavodining sobiq xodimlarining bir qismiga ishlab chiqarish sohasidagi korxonalardan ish topib berish mo‘ljallangan.
Biroz oldinroq, GM konsernining Sankt-Peterburgdagi zavodidan 800 nafarga yaqin ishchiga javob berilishi haqida xabar qilingan edi.
GM Sankt-Peterburgdagi zavodidan 400 kishini ishdan bo‘shatdi 
